புத்தியுள்ள மனிதரெல்லாம்..
வெற்றி பெற அறிவு மட்டும் போதாது. அதைக் காட்டும் விதமும் முக்கியம். நம் மேலதிகாரியைவிட நாம் புத்திசாலி என்று பலர் முன் காட்டிக்கொள்வது நல்லதல்ல. அவருடைய திட்டம் மோசமான விளைவைத் தரலாம். அது நமக்குத் தெளிவாகத் தெரியலாம். அப்போதும் சொல்லும் முறை என ஒன்று உண்டு. நம் நோக்கம் நல்லதாக இருக்கலாம். ஆனால் சொல்லும் விதம் தவறினால் எல்லாம் வீணாகும்.
எல்லா மனிதர்களுக்கும் ஈகோ உண்டு. பலர் முன் திருத்தப்படுவதை யாரும் விரும்புவதில்லை. அது அவமானமாகத் தோன்றும். அப்போது அவர் தன்னைக் காத்துக்கொள்ளப் பார்ப்பார். நம் கருத்து சரியாக இருந்தாலும் நிராகரிப்பார். சிலருக்குப் பயமும் வரும். இவர் என் இடத்தைப் பிடிப்பாரோ என்று நினைப்பார். பிறகு நமக்கு வாய்ப்புகள் குறையும். பதவி உயர்வும் புதிய பொறுப்புகளும் அவர் வழியேதான் வருகின்றன.
மேலும், அவர் எதிர்காலத்தில் நிறுவனத்தின் வளர்ச்சியையும் சேர்த்தே பார்க்கிறார். நமக்குத் தெரியாத காரணங்கள் அவருக்குத் தெரியலாம். குழுவும் நம் உரையாடலைக் கவனிக்கிறது. இவருக்குத் திமிர் என்று நினைக்கும். சரியாக இருப்பது மட்டும் போதாது. சரியான நேரத்தில் சரியாகப் பேசவும் தெரிய வேண்டும். ஏற்றுக்கொள்ளப்படுவதே வெற்றி. மேலதிகாரியும் மனிதர்தான். அவருக்கும் அழுத்தங்கள் உண்டு. அவர் நிலையில் நின்று பார்த்தால் பல விஷயங்கள் புரியும். அந்த ஈகோவை மதித்தால்தான் நம் திட்டம் நிறைவேறும்.
Add Comment