ரகசியம், பரம ரகசியம் – 16

நம்மை நாம் அறிவோம்

வெற்றிக்கான அடுத்த படி இது. நம் பலம் எது என்று தெரிந்து கொள்வது. நம் பலவீனம் எது என்றும் அறிவது. இது எளிதாகத் தோன்றும், ஆனால் உண்மையில் கடினமானது.

ஏட்டுப் படிப்பு மட்டும் திறன் ஆகாது. படித்து விதிகளைத் தெரிந்துகொள்வது ஒன்று. களத்தில் இறங்கி நிரூபிப்பது வேறு. விளையாட்டின் விதிகளை நூலில் படிக்கலாம். மைதானத்தில் ஆடுவது வேறு அனுபவம். அங்கே மதியூகம் தேவை. நொடிக்கு நொடி முடிவெடுக்க வேண்டும். அந்தத் திறன் பயிற்சியால் மட்டுமே வரும்.

அலுவலகத்திலும் இதே நிலைதான். சிலர் படித்த அறிவை மட்டும் வைத்திருப்பார்கள். அதைக் கொண்டு திட்டங்களை மாற்றச் சொல்வார்கள். மற்றவர்களின் பணியில் குறை காண்பார்கள். இது நாற்காலியில் அமர்ந்து ஆட்டத்தை விமர்சிப்பது போன்றது. ஆங்கிலத்தில் இதை ‘ஆர்ம்சேர் குவார்ட்டர்பேக்’ என்பார்கள். களப்பயிற்சி இல்லாமல் பேசுவது ஆபத்தானது. அது நம் பலவீனத்தையே பறைசாற்றும். பிறர் நம் மீது வைக்கும் நம்பிக்கையும் குறையும்.

இதற்கு நேர் எதிரான குணமும் உண்டு. நம் திறன்களைக் குறைத்து மதிப்பிடுவது. சிலநேரம் நாம் அதிகமாக யோசிக்கிறோம். யோசித்து யோசித்து நம்மையே சந்தேகிக்கிறோம். தகுதி இருந்தும் தயங்குகிறோம். வாய்ப்பு வந்தாலும் ஒதுங்கி நிற்கிறோம். இதை ‘இம்போஸ்டர் சிண்ட்ரோம்’ என்பார்கள். தன்னைப் போலியாக உணரும் மனநிலை இது.

முழுதும் வாசிக்க இங்கே பதிவு செய்து, உங்கள் சந்தாவைத் தேர்ந்தெடுங்கள்