ரகசியம், பரம ரகசியம் – 21

ஒப்புக்கொள்வோம், முன்னே செல்வோம்

விமர்சனங்களை ஏற்பதைப் பற்றிப் பார்த்தோம். தோல்விகளும் சின்னச் சின்னப் பின்னடைவுகளும் தவிர்க்க முடியாதவை. அவை கற்றுக்கொடுக்கும் பாடங்களே முக்கியம். தவறே செய்யாதவர் என யாருமே இல்லை. ஆனால் தவறுக்கு என்ன விலை கொடுக்கிறோம் என்பது முக்கியம். அதைப் பொறுத்தே நம் வெற்றி அமையும். சில தவறுகளை எளிதில் சரிசெய்யலாம். சில தவறுகளுக்குப் பெரிய விலை கொடுக்க நேரிடும்.

எந்தத் தவறானாலும் அதிலிருந்து மீண்டு எழ வேண்டும். அதற்கு முதல் படி ஒப்புக்கொள்வது. ‘நான் தவறு செய்துவிட்டேன்’ என்பது சின்ன வாக்கியம்தான். ஆனால் சொல்வதற்குத் தயக்கம் வரும். மதிப்பு குறைந்துவிடுமோ என அஞ்சுகிறோம். உண்மையில் நடப்பது நேர் எதிரானது. ஒப்புக்கொள்பவர் மீது நம்பிக்கை கூடுகிறது. மறைப்பவர் மீது சந்தேகம் வளர்கிறது.

ஒப்புக்கொள்வதைத் தள்ளிப்போட வேண்டாம். தவறு செய்துவிட்டோம் எனத் தெரிந்தவுடன் சொல்லிவிடலாம். தாமதிக்கத் தாமதிக்கப் பாதிப்பு பெரிதாகும். சொல்லும்போது மூன்று விஷயங்கள் போதும். என்ன நடந்தது என்பதைச் சுருக்கமாகச் சொல்லலாம். அதனால் யாருக்கு என்ன பாதிப்பு என்பதைச் சொல்லலாம். சரிசெய்ய என்ன செய்கிறோம் என்பதையும் சொல்லலாம். நீண்ட விளக்கங்கள் தேவையில்லை. காரணங்களை அடுக்கினால் அது சமாளிப்பாகத் தெரியும்.

முழுதும் வாசிக்க இங்கே பதிவு செய்து, உங்கள் சந்தாவைத் தேர்ந்தெடுங்கள்