பேசும் மொழி
பணியிடத்திலும் வீட்டிலும் நம்மைச் சுற்றிப் பலர் இருக்கிறார்கள். நமக்குக் கீழே பணியாற்றுபவர்கள் இருக்கிறார்கள். நம்முடன் பணியாற்றுபவர்கள் இருக்கிறார்கள். வீட்டில் நம் குழந்தைகள் இருக்கிறார்கள். அவர்களும் தவறு செய்வார்கள். அவர்களுக்கும் ஈகோ உண்டு. அவர்களை எப்படித் திருத்தலாம்?
பதவி நமக்கு அதிகாரம் தருகிறது. ஆனால் மதிப்பைத் தருவதில்லை. மதிப்பை நாம்தான் சம்பாதிக்க வேண்டும். பாராட்டைப் பலர் முன் சொல்லலாம். திருத்தத்தைத் தனியே சொல்லலாம். அதையும் உடனே சொல்லலாம். குரலை உயர்த்துவதைத் தவிர்க்கலாம். அமைதியான குரலே அதிகம் கேட்கப்படும். மாதக்கணக்கில் சேர்த்து வைத்து ஆண்டு மதிப்பீட்டில் சொல்வதைத் தவிர்க்கலாம். குறை சொல்லும்போது நிறைகளையும் சொல்லப் பழகலாம்.
தவறு நடந்தால் முதலில் அவர் தரப்பைக் கேட்கலாம். பல நேரம் காரணம் வேறாக இருக்கும். நம் வழிகாட்டலே தெளிவில்லாமல் இருந்திருக்கலாம். ஆளைக் குறை சொல்வதைத் தவிர்க்கலாம். செயலைப் பற்றி மட்டும் பேசலாம். ஏன் இப்படிச் செய்ய வேண்டும் என்றும் விளக்கலாம். காரணம் புரிந்தால் தவறு மீண்டும் நடக்காது. நாம் சொல்வதை அவர்கள் கேட்பது போலவே, அவர்கள் சொல்வதையும் நாம் கேட்கலாம். பணியிடச் சிக்கல்கள் பலவும் முதலில் அவர்களுக்கே தெரியும். அவர்கள் அச்சமின்றிச் சொல்லும் சூழலை உருவாக்கலாம். அது நம்மைப் பல தவறுகளிலிருந்து காக்கும்.
Add Comment