Tag - நாவல்

தெய்வமென்ற ஒன்றை நிறுவி, கதைகளைப் புனைந்து அதன் ஆபரணமாக்கி அணிவித்து, அதற்கு அச்சப்படச் சொல்லிக் கொடுக்கவே மதமென்ற ஒன்றைக் கட்டினார்கள்.

இது வேட்டனின் முந்நூறாண்டு காலத் தவம். கனியும் காலம் இப்போதுதான் வந்திருக்கிறது. நாம் எடுத்து வைத்திருப்பது முதலடியே அன்றி வேறல்ல.

சிவன் ஒரு சித்தனே என்றால் உங்களைப் போல அவன் என்னெதிரில் தோன்றினால் உங்களை வணங்குவது போல அவனையும் வணங்குவேன்.

மனமென்பது உன் இச்சைகளின் கொள்கலன். உன் உடலம் அக்கொள்கலனைத் தூக்கிச் சுமக்கும் அடியாள். ஆன்மா இதுவல்ல.

நேரிடை எண்ணமும் மனித குலத்தின் மீது பற்றும் உள்ள நீங்கள் உங்கள் கலையைக் கொண்டு மக்களுக்கு நல்லனவற்றைச் செய்துகொண்டே இருக்க முடியுமானால் மன்னர்கள் எதற்கு?

மனித குலத்தின் துன்பங்கள் பிரபஞ்சதிலிருந்து உதிப்பதில்லை சார்வாகனே. பிரம்மம் மனித குலத்தைத்தான் பிறப்பிக்கிறது. மனிதர்களே தத்தமது துன்பங்களை விளைவித்துக்கொள்கின்றனர்.

உங்களால் எட்டிப் பிடிக்க இயலாத வெளியொன்றைக் கண்டறிந்து அவன் வசிக்கிறான் சித்தரே. அங்கிருந்து என்னை ஆட்டிப் படைக்கிறான்.

அறியாதவற்றின் சொரூபத்தை அறிய முடியாத ஒன்றன் துணையுடன் அறிவதற்கான முயற்சியின் பெயர்தான் ஆன்மிகம்.

எது தன் சிந்தை, எது பிறர் சிந்தை, எது இயக்கித் தான் இயங்குகிறோம் என்பதை ஒருபோதும் அவன் அறிய மாட்டான். எவ்வளவு பெரிய விந்தை இது.