அதிகார நந்தி – 1

1. பாதுகாப்பின் விலை சுதந்திரம்

விமானம் கிளம்ப இன்னும் ஐந்து  நிமிடங்களே மிச்சம் இருக்கிறது. ஓடி வந்தாள் மீனா. கையில், அவள் தம்பி காரிலேயே மறந்து வைத்துவிட்ட உணவு. கேட் அருகே இருந்த ஊழியையிடம், “இது என் சகோதரனுக்கான ஸ்பெஷல் உணவு, ஏழாம் எண் இருக்கையில் இருக்கிறார். கொடுத்துவிட முடியுமா” என்று மூச்சிரைக்கக் கேட்டு நின்றாள். “அதற்கென்ன நீங்களே கொடுத்துவிடுங்கள்” என்று ஊழியை புன்சிரிப்போடு வழிகாட்டினார். ஓடிச் சென்று விமானத்துள் நுழைந்து இருக்கைக்குச் சென்று, தம்பியிடம் உணவைக் கொடுத்துத் திரும்பி வந்தவுடன் கேட் மூடப்பட்டது.

இது மீனா மற்றும் அவளது தம்பி ராஜுவின் கதை. மீனா எப்போதும் தன் தம்பிக்காக சிறப்பு உணவு தயார் செய்வாள். அவர்கள் செப்டம்பர் 11க்கு முன்பு அமெரிக்காவில் வசித்தபோது, விமான நிலையங்களில் பாதுகாப்பு குறைவாக இருந்தது. குடும்ப உறுப்பினர்கள் விமான நுழைவாயில் வரை சென்று பயணிகளை வழியனுப்பலாம் அல்லது வரவேற்கலாம். அது ஒரு சுதந்திரமான காலம்.

ஆனால் செப்டம்பர் 11, 2001 தாக்குதலுக்குப் பின் அமெரிக்காவில் பயணமே மாறிவிட்டது. காலணி முதற்கொண்டு எக்ஸ்ரே செய்யப்பட்டு, காத்திருந்து சோதித்து, பயணமே ஒரு வேலையாகிவிட்டது. வாழ்க்கையும் கூட. எல்லார் மீதும் சந்தேகம், எல்லாவற்றின் மீதும் சந்தேகம். நாட்டுப்பற்று சட்டம் வந்து காவலர்கள் கூட யாரை வேண்டுமானாலும் எதற்காக வேண்டுமானாலும் விசாரிக்கலாம்.

முழுதும் வாசிக்க இங்கே பதிவு செய்து, உங்கள் சந்தாவைத் தேர்ந்தெடுங்கள்