Author - என். சொக்கன்

தன் குழுவினர்மீது எழுப்பப்பட்ட எந்தக் குற்றச்சாட்டையும் ரான்ட் பொருட்படுத்தவில்லை, அக்கறையான சில சொற்களைக்கூடப் பேசவில்லை, தான் செய்வதுதான் சரி என்பதுபோல் நடந்துகொண்டார்.

கோகலே பல ஆண்டுகளுக்கு எவ்வளவோ பொறுமையாக எடுத்துச்சொன்னபோதும் அவருடைய நண்பர்களோ மற்றவர்களோ இந்த நேர ஒழுங்கைக் கடைப்பிடிக்கவில்லை.

இங்கிலாந்து இதழ்களும்கூடக் கோகலேவின் உரையைப் பாராட்டின. அந்தச் செய்தியை 'அரச ஆணையத்தை அதிரவைத்த உரை' என்ற தலைப்புடன் வெளியிட்டிருந்தது ஓர் இதழ்.

காங்கிரீவ் அம்மையாரின் அக்கறையான கவனிப்பால் கோகலே நெஞ்சு வலியிலிருந்து விடுபட்டார், வழக்கமான பணிகளுக்குத் திரும்பினார். ஆனால் அவர் முழுமையாகக் குணமாகியிருக்கவில்லை.

கோகலே நெஞ்சு வலியைப் பொறுத்துக்கொண்டு லண்டனுக்குப் பயணம் செய்தார், தாதாபாயைச் சந்தித்தார். ஆனால், அவரிடம் ஓரளவுக்குமேல் நெருங்குவதற்குக் கோகலேவுக்கு மனம் வரவில்லை.

ரானடேவுடன் பேசுவதும் கற்றுக்கொள்வதும் கோகலேவுக்கு மிகப்பெரிய வலிமையுணர்வை, மன நிறைவைக் கொடுத்தன. எந்தத் தீர்மானமானாலும் ரானடேவின் அறிவுரைகளைக் கேட்காமல் கோகலே செயல்பட்டதில்லை.

வெல்பி ஆணையத்தின்முன் சான்றளிப்பதற்காக இந்தியாவின் பல்வேறு பகுதிகளிலிருந்து சிறந்த பொருளாதார வல்லுனர்களை இங்கிலாந்துக்கு வரவழைக்கவேண்டும் என்று தாதாபாய் விரும்பினார்.

சார்வஜனிக் சபா என்பது ரானடேவின் பல சமூக, அரசியல் முன்னெடுப்புகளில் ஒன்று, அவ்வளவுதான். அங்கிருந்து வெளியேற்றப்பட்டுவிட்டதால் அவருடைய பணிகள் நின்றுவிடப்போவதில்லை.

புனே காங்கிரஸ் மாநாட்டு ஏற்பாடுகளைச் செய்கிற குழுவின் செயலாளர்களாகத் திலகரும் கோகலேவும் தேர்ந்தெடுக்கப்பட்டார்கள். இதன்மூலம் இருதரப்புத் தொண்டர்களும் இணைவார்கள் என்று எதிர்பார்க்கப்பட்டது.