அவசியமற்ற அவசரம்

சென்னை பரந்தூரில் கட்டப்படவிருந்த இரண்டாவது விமான நிலையத் திட்டம் கைவிடப்படுவதாகத் தமிழக அரசு அறிவித்துள்ளது. புதிய விமான நிலையம் கட்ட வேறு இடங்கள் பரிசீலிக்கப்பட்டு வருவதாகவும் தெரிவிக்கப்பட்டுள்ளது.

தொடர்ந்து அதிகரித்து வரும் சென்னை மாநகரின் வர்த்தக மற்றும் விமானப் பயணிகளின் தேவையைக் கருத்தில் கொண்டு, சென்னை மீனம்பாக்கத்தில் செயல்பட்டு வரும் விமான நிலையத்துக்கு அடுத்து காஞ்சிபுரம் மாவட்டம் பரந்தூரில் இரண்டாவதாக ஒரு விமான நிலையம் அமைக்க கடந்த 2022ஆம் ஆண்டு மத்திய விமானப் போக்குவரத்து அமைச்சகம் அனுமதியளித்தது.

ஆனால் பரந்தூரைச் சுற்றியுள்ள ஏகனாபுரம் உள்ளிட்ட சில கிராம மக்கள் தங்கள் நிலங்களை ஒப்படைக்க மாட்டோம் என்று கடந்த நான்கு வருடங்களாகப் போராடி வந்தனர். இந்தப் பகுதியில் விமான நிலையம் கட்டினால் தங்கள் வாழ்வாதாரம் பாதிக்கப்படும் என்றும், மழைக்காலங்களில் சென்னையில் வெள்ளப்பெருக்கு ஏற்படும் என்றும் அம்மக்கள் எதிர்ப்பு தெரிவித்து வந்தனர்.

முழுதும் வாசிக்க இங்கே பதிவு செய்து, உங்கள் சந்தாவைத் தேர்ந்தெடுங்கள்